Pluggane sto fast viste det seg, men keramikdelen er løsna frå stålet og då blir det jo både lekkasje og lyd.
I dag kjørte eg til finnsnes og biltema på tre sylindra og kjøpte meg ein ny plugg og pluggledningar. Pluggen blei skifta på parkeringsplassen utanfor, og eg måtte kjøpa verktøyet eg trengte og. Etter å ha skifta pluggen gjekk bilen fint igjen, men eg tenkte at motorolja muligens har blitt blanda med litt bensin frå den sylinderen utan gnist so eg fylte opp med olje for at ho ikkje skulle bli for tynn.
Når eg kjørte tilbake syns eg det var meir mekanisk lyd frå motoren enn det har vore før. Då eg stoppa for å fylla bensin ville eg peila olja igjen og då såg eg at eg hadde gløymt å skru på oljelokket igjen. Når det var gjort gjekk motoren stilt og fint igjen. Målte forresten bensinforbruket til under 0,92 i dag, med tanke på at eg då har kjørt nesten halvparten på 3 sylindrar, mykje småkjøring og tomgong er det bra, men forrige helga målte eg han til 0,81 på longkjøring med litt småkjøring og bykjøring. Det var før problemet med pluggen.